Anders og Sondre inspiserar damanlegg til Hardanger Energi AS

Masterstudentane (elkraft) frå NTNU har sommarjobb hjå Hardanger Energi AS avd produksjon.

Dei skal jobbe med eit prosjekt der me ser på batterianlegg i tilknyting til mindre/små vannkraftverk. Me vil i denne omgang sjå på batteri i forhold til beredskap. Små kraftverk kan i utganspunktet ikkje gå utan at det er spenning på sentralnettet til Statnett. Med batteripakkar inkludert, kan kanskje mindre kraftverk forsyne mindre/lokale områder i ein beredskapssituasjon, dvs når Statnett ikkje kan levere spenning i sentralnettet. Batteri kan og bidra til balansering og skape høgare verdi av produksjonen.

I tillegg til batteriprosjektet vert Sondre og Anders med produksjonsavdeling på ulike oppdrag me har på dei 6 småkraftverkene til Hardanger Energi. Fyrste veka har dei vore med på montering av ein generator i Tveitafoss Kraftverk, og dei har sett saman vår nye undervannsdrone og testkøyrt den i Krokavatn. Dam i krokavatn er under revurdering, og me kunne med eigen drone dokumentere at innstallasjon nede i vatnet var i orden.

Dette er 3. året me har sommarhjelp frå NTNU studentar.  Me ser nytten av nytenking frå studentar, og studentane får viktig praktisk erfaring.